Башбаракты ачуу

Бекетов Николай Николаевич

Бекетов Николай Николаевич - (1 (13).01.1827, Пенза губерниясы, жаңы Бекетовка кыш. 30.11(13.12).1911, Санкт-Петербург] орус физик-химиги, Петербург ИАнын акад. (1886), Физик-химиктердин мектебин негиздөөчү. Казан университетин 1849-ж. бүтүргөн. 1859-87-ж. Харьков университетинин проф. 1886-жылдан Петербург ИАда иштеген. Ал басым алдында металлдарды алардын туздарынын эритмелеринен суутек жана жогорку температурада башка металлдарды туздарынан магний менен цинк сүрүп чыгара тургандыгын аныктаган. 1859-65-ж. жогорку температурада металлды металл оксиддеринен алюминий менен калыбына келтирүү мүмкүн экенин байкаган. Бул иштери алюминотермия процессине негиз болгон. Ал физика химиянын өсүшүнө, аны өз алдынча илимий жана окуу сабагы катары киргизүүдө зор эмгек сиңирген.

Колдонулган адабияттарОңдоо

  • «Кыргызстан». Улуттук энциклопедия: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4