Бирмиңгем
Бирмиңгем ― Улуу Британиядагы шаар (администрациялык округ), Уэст-Мидлендс метрополитен графтыгынын администрация борбору. Калкы 984 миң (2005). Өлкөдө элинин саны боюнча 2-орунда (Лондондон кийин). Тегерегиндеги «Каралар өлкөсү» деп аталган шаар менен кошо өнөржайлуу Уэст-Мидлендс конурбациясын түзөт. Өлкөдөгү оор өнөржайынын башкы борборлорунун бири. Унаа, учак куруу, электр-техника, станок куруу, металл иштетүү, түстүү металлургия, резина өнөр жайы өнүккөн. Шаарга жакын көмүр бассейни жайгашкан; үниверситет бар. Готика стилиндеги чиркөө (13-кылым), классицизм стилиндеги собор жана ратуша (18-19-кылым) сакталган. Б. з. 1-кылымында негизделген.
Колдонулган адабияттар
түзөтүү- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4