Бойль-Мариотт мыйзамы
Бойль-Мариотт мыйзамы ― газдын негизги мыйзамдарынын бири. Мыйзам боюнча турактуу температурада (Т), берилген массадагы идеалдык газдын көлөмү (V) анын басымына (Р) тескери пропорциялаш, башкача айтканда PV=const. Мыйзамды бир бири менен байланышсыз англис жана француз окумуштуулары Р.Бойль (1662-ж.) менен Э.Мариотт (1676-ж.) аныкташкан. Мыйзамга ылайык жүрүүчү процесс изотерма процесси деп аталат. Мыйзам идеалдуу газ үчүн так аткарылат.
Булактар
түзөтүү- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4