Буралма апельсин

"Буралма апельсин" (англ. A Clockwork Orange) — 1962-жылы басылып чыккан Энтони Бөржесстин дистопиялык романы. Англия коомунун жакынкы келечектеги окуяларын чагылдырган чыгарма жаштардын зордук-зомбулук субмаданиятына басым жасайт. Башкы каарман Алекс аттуу өспүрүм бала өзүнүн зомбулуктуу эрдиги жана мамлекеттик бийлик органдарынын аны оңдоого аракет кылганына байланыштуу тажрыйбалары туурауу айтып берет. Китеп жарым-жартылай орус таасиринен алынган "надцать" жаргону менен жазылган. Бөржесстин айтмында, бул чыгарма үч аптанын ичинде жазылган jeu d'esprit (рух оюну) болуп эсептелет.

2005-жылы "Буралма апельсин" Time журналынын 1923-жылдан бери жазылган "100 мыкты англис тилиндеги романдардын" тизмесине кирип, Modern Library басмаканасы менен анын окурмандары тарабынан "20-кылымдагы англис тилиндеги эң мыкты 100 романдын" бири аталган. Китептин кол жазмаларынын түп нускасы Канаданын Онтариосундагы Хэмилтон жергесинде жайгашкан Макмастер университетинин алдындагы Уилям Реди атындагы архив жана изилдөө жыйнактары бөлүмүндө сакталат. Институт документтерди 1971-жылы сатып алган.