Бюст

Бюст (французча buste, латынча bustum – мүрзө үстүндөгү эстелик) – адамдын көөдөнүнөн жогору жагы тартылган жумуру скульптуралык портрет. Бюст алгач Байыркы Египетте жана Байыркы Грецияда пайда болуп, Байыркы Римде калыптанган. Россияда Ф. И. Шубин, С. И. Гальберг, советтик доордо Н. А. Андреев, В. И. Мухина, Н. В. Томский жана башкалардын бюсттук чыгармалары белгилүү. Кыргызстанда Т. Садыков, О. М. Мануйлованын иштери көпчүлүккө таанымал.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4