ВКП(б)нин он жетинчи конференциясы

ВКП(б)нин он жетинчи конференциясы - 1932-ж. 30-январдан 4-февралга чейин Москвада өткөн.

Ага чечүүчү добуш менен 386, кеңеш берүүчү добуш менен 525 делегат катышкан. Анда өнөр жайдын 1931-жылдагы өнүтүшүнүн жыйынтыктары жана 1932-жылдагы милдеттери, 1933—37-ж. үчүн СССР эл чарбасын өнүктүрүүнүн 2-беш жылдык планынын директиваларын түзүү маселелери каралган; өлкөнү соц. индустриялаштырууга, соц. экономиканын фундаментпн курууга жана аяктоого, СССРдин экономикалык өз алдынчалыгын камсыз кылууга багыттаган партиянын 14, 15, 16-съезддеринин чечимдеринин ийгиликтүү аткарылып жатканы көрсөтүлгөн.

Колдонулган адабияттар

Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.