Вайшешика (философия)
Вайшишека (санскритте-вишишека деген сөздөн-айырмалык, өзгөчөлүк деген мааниде) – негиздөчүсү Канада (Улука) деп эсептелген, Веддердин беделин моюнга алган байыркы Индиядагы философиялык мектеп. Окуусу боюнча Ньяеге жакын келип, кийинчерээк биригип бир мектепти түзүшкөн. Вайшишеканын окуусунда белгилүү орунду сезүү органдары менен кабыл алынган физикалык элементтер жана алынбаган (мейкиндик, убакыт жана акыл-эс) субстанция жөнүндөгү идеялар түзөт. Бирок Вайшишека окуусунун эң маанилүү жагы – атомисттик теория. Ал боюнча бүткүл физикалык объектилер атомдун төрт түрүнөн турат. Дүйнө атомдордон курулган, бирок анын кыймылдаткыч күчү болуп Кудай эсептелинет.
Колдонулган адабияттар
түзөтүү- Мамлекеттик тил жана энциклопедия борбору. Философия (Энциклопедиялык окуу куралы)- Б.:2004,ISBN 9967-14-020-8.