Вена тутуму
Экчек[1] же вена тутуму - дененин ар кайсы бөлүктөрүнөн жана өпкөдөн жүрөккө кан алып келүүчү кан түтүкчөлөрү (көк кан тамырлары).
Алар эң майда капиллярлар торунан башталып, бара-бара чоңураак вена кан тамырларына айланат. Дененин төмөнкү бөлүгүндөгү вена кан тамырлары төмөнкү көңдөй венага кошулат, ал эми жогорку бөлүгүнөн жогорку көңдөй венага биригет. Тамак сиңирүү органдарынын веналары боордун дарбазалык көк кан тамырларына чогулуп, төмөнкү көңдөй венага, көңдөй көк кан тамырлар жүрөктүн оң жак дүлөйүнө кошулат. Көк кан тамырлар кычкылтеги аз, көмүр кычкыл газга бай керексиз заттарды, ал эми өпкөнүн вена кан тамырлары жүрөктүн сол дүлөйүнө кычкылтекке бай канды алып келет.
Колдонулган адабияттар түзөтүү
- Кыргыз Совет Энциклопедиясы. Башкы редактор Б. О. Орузбаев. -Фрунзе: Кыргыз Совет Энциклопедиясынын башкы редакциясы, 1977. Том 2. В - Иридий. -672 б.
- ↑ Древнетюркский словарь