Волынка
Волынка – музыкалык үйлөмө аспап. Ал бир нече түтүкчөдөн турат. Жел толтурулган тери мүшөкчөгө боорлорунда көзөнөкчөлөрү бар эки же үч түтүкчө уланат. Волынка дүйнө элдерине ар кандай аталыштарда кеңири тараган: орустарда, украиндерде, беларустарда дуда, молдавандарда чимпой, армяндарда тик, грузиндерде гудаствири, азербайжандарда тулум, чуваштарда шапар же сарнай, болгарларда гайда, француздарда корнемюз ж. б. Шотландиялыктарда аскер оркестрлеринде колдонулат.
Колдонулган адабияттар
түзөтүү- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4