Вэлфер
Вэлфер (англисче welfer жыргалчылык) – америкалык система боюнча социалдык жардам көрсөтүүнүн пособиеси. Ал бюджет каражаттарынан акча трансферттери, ошондой эле натуралай пособие түрүндө төлөнөт. Акча пособиелерине жакырчылык боюнча, үй-бүлөлүк жана балдар пособиелери, анын ичинде көп бүлөлүүлөргө пособие, баа субсидиялары ж. б. кирет. Натуралай пособиелер азык-түлүк жагынан жардамдан тышкары билим берүүдө, саламаттык сактоодо, оорулууларга жана улгайгандарга акысыз кызмат көрсөтүүнү камтыйт. Вэлферди дайындоо кирешелердин жана мүлктүн өлчөмдөрүн текшерүүнү болжолдойт. Пособие бардык иштеп тапкан кирешеси же/жана мүлкү тиричилик минумуму менен аныкталуучу жакырчылык чеги деп аталган белгилүү деңгээлден бир аз гана жогору же ага барабар адамдарга берилет. Тиричилик минимуму «керектөө себетине» кирген бардык жыргалчылыктын наркы менен белгиленет. Вэлфер алуучулардын кирешесинин өсүшү анын өлчөмүнүн азайышына негиз болот, ал эми кирешелердин белгилүү бир деңгээлине жеткенде төлөө токтотулат.
Колдонулган адабияттар
түзөтүү- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4