Вятка
Вятка – Россия Федерациясынын Киров облусу менен Татарстандагы дарыя, Каманын оң куймасы. Узундугу 1314 км, алабынын аянты 129 миң км2. Жогорку Кама дөңсөөсүнөн (Удмуртия) башталат. Көбүнчө түздүк аркылуу агат. Негизги куймалары: Кобра, Молома, Пижма (оң), Чепца, Кильмезь (сол). Орточо чыгымы 890 м3/сек. Ноябрдан майга чейин тоңот. Киров шаарынан, жазында Кирс пристанынан баштап кеме жүрөт. Сал агызылат. Боюнда Слободской, Киров-Чепецк, Киров, Орлов, Советск, Халтурин, Котельнич, Вятские Поляны шаары жайгашкан.
Вятка
| |
|---|---|
| |
| Мүнөздөмө | |
| Узундугу | 1 314 км |
| бассейндин аянты | 129 000 км² |
| Жайгашкан орду | |
| Өлкө |  Орусия
|
| Област | Киров облусу, Татарстан |
| ОМСР | 10010300212111100029744 |
Колдонулган адабияттар
түзөтүү- “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4