Гареев күздүгү

Гареев күздүгү - алма сорту. Курск ренети менен боровинка алма сортторун кыйыштыруудан алынган. Анча бийик эмес, сейрек бутактуу, жыш мөмөлөйт. Суукка байымдуу, 4-5 жылдык дарагы мол түшүм бере баштайт. Температуранын тез өзгөрүшү ага көп таасир этпейт. Мөмөсү тоголок же сүйрү, ортосалмагы 120 г, саргыч, мала кызыл, ширелүү, даамдуу. Сентябрдын башында бышат, ноябрдын ортосуна чейин сакталат. Гареев күздүгү КР ИАнын Ботаника багында чыгарылып, Э. З. Гареевдин атынан аталган.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4