Гемодиализ

Гемодиализ - (гемо... жана гр. diаlysis ажыроо, бөлүнүү) бөйрөктүн катуу кармаган же өнөкөт начарлашында «жасалма бөйрөк» аппаратынын жардамы менен дарылоо методу. Гемодиализ учурунда организм зат алмашуунун уу заттарынан арылат, бузулган суу-электролит теңсалмактуулуктары нормага келет. Гемодиализде бир эле мезгилде кан агызылып, донордон алынган ошончо көлөмдөгү кан куюлат.