Гидраттануу

Гидраттануу – эриген заттардын суу менен химиялык өз ара аракеттенүүсү; солъватациянын бир түрү. Гидролизден айырмаланып, анда суутек жана гидроксил иондору пайда болбойт. Анын бир нече түрү бар: щелочторду, кислоталарды пайда кылуучу окистердин (мисалы, SO₃+H₂O=H₂SO₄, Na₂O+H₂O=2NaOH), сууда электр диссоциация жүрүүгө бирден бир себепкер болгон иондордун, органикалык заттардын Гидраттануусу белгилүү. Кээ бир органикалык же органикалык эмес заттар суу менен кристаллдык-гидраттарды пайда кылат. Мисалы, суусуз CuSO₄ түссүз зат. Анын суудагы эритиндисинен ачык көк түстөгү гидрат CuSO₄‘ SH₂O көк таш кристаллданып, электролиттерде эриткенде иондордун гидраты пайда болот. Органикалык. бирикмелердин гидраттануусу органикалык заттарды синтездөөдө чоң роль ойнойт, мисалы, этиленден этил спирти CH₂=CH₂+HOH>C₂H₅OH ж. б. алынат.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4