Гидротерм процесстери

Гидротерм процесстери – органикалык эмес кристалл заттарды гидротермиялык синтездөө, башкача айтканда монокристаллдарды өстүрүү. Процесс оксиддердин, силикаттардын, сульфиддердин ж. б. заттардын 500°С, 10–80 МПа басымда сууда, суу эритмелеринде эрүүсүнө негизделген. Каныккан эритмеден кристаллдык фаза бөлүнүп, толук тазалануу мүмкүнчүлүгү түзүлөт. Гидротерм процесстери аркылуу SiO₂, силикаттар (СаSiO₃, NaN₂SiO₁₄), германаттар (Ge₂O₃), фосфаттар (KNaP₄O₁₂, P₅O₁₄), сульфиддер (HgS, ZnS, PbS) алынган. Моно⁴⁵ кристаллдарды алууда автоклавдын алды жагына кристаллдык эмес майда шихталар, ал эми үстү жагына кристалл өсө турган ачыткыч коюлат. Автоклавдын алды жагын көбүрөөк жылытып, конвекциянын негизинде жогорку концентрациядагы эритмени үстүнө берүүгө шарт түзсө, ал бара-бара каныккан эритмеге айланып, кристаллдарды пайда кылат. Эриткич катары NaOH, NH₄F, Н₃Р0₄түн суудагы эритмелери колдонулат.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055 -4