Голубин мөңгүсү

Голубин мөңгүсү, Жинди-Суу мөңгүсү – Кыргыз Ала-Тоосунун түндүк капталындагы өрөөн тибиндеги мөңгү. Узундугу 5,5 км, туурасы 400–500 мден 1000 мге чейин. Аянты 9,4 км². Аларча суусунун алабында. Кар чегинин бийиктиги 3860 м. Мөңгүнүн башы деңиз деңгээлинен 4420 м, этеги 3400 м бийиктикте жайгашкан. Абляция облусунун аянты 2,6 км². Мөңгүдөн Аларча суусунун оң куймасы Жинди-Суу башталат. Мөңгү геолог В. Н. Голубиндин ысмынан аталган.

Колдонулган адабияттар

• “Кыргызстан” улуттук энциклопедиясы: 2-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2007. 808 бет, илл. ISBN 978 9967-14-055-4