Десна
Десна – Россия менен Украина аймактары аркылуу аккан дарыя, Днепрдин сол куймасы. Узундугу 1130 км, алабынын аянты 88,9 миң км2. Смола-Москва дөңсөөсүнөн башталып, Канев суу сактагычына куят. Жогорку агымында жээгинин көбү жапыз жана саздуу, Брянск шаарынан төмөн карай оң жээги көтөрүңкү. Сейм дарыясы куйгандан кийин дарыя көп салааларга бөлүнүп, нуктарды пайда кылат. Орточо чыгымы 360 м3/сек. Декабрдан майдын башына чейин тоңот. Новгород-Северский шаарынан тартып үзгүлтүксүз кеме жүрөт. Боюнда Ельня, Жуковка, Трубчевск, Чернигов жана башка шаарлар жайгашкан.
Десна
| |
|---|---|
| |
| Мүнөздөмө | |
| Узундугу | 1 130 км |
| бассейндин аянты | 88 900 км² |
| Суу агымы | |
| Аягы | Днепр |
| Жайгашкан орду | |
| Өлкө | Калып:Өлкө желеги/Орусия, Украина |
| ОМСР | 04010001112106200001410, 04010001012106200001410 и 04010000812106200001410 |
Колдонулган адабияттар
түзөтүү- “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14—046—1