Диафрагма (биологияда)

Диафрагма (гр. diaphragma - тосмо) - сүт эмүүчүлөрдүн ич көңдөйүн көөдөнгө жана курсак көңдөйүнө бөлүп турган чарымдуу булчуң. Д. кит сымалдарда болбойт. Д. тешик аркылуу кызыл өңгөч, чоң кан тамырлар жана нервдер өтөт. Ошондой эле Д. дем алууга катышуучу маанилүү булчуң. Түйүлдүктө моюн тушта жүрөктөн өйдөөрөк пайда болот жана өрчүү процессинде арт жакка жылат.