Башбаракты ачуу

ЖАМУда “Диний экстремизм жана Сириядагы абал” деген темада талкуу болдуп Талкууга ЖАМУнун алдындагы Жалал-Абад колледжинин жана Жалал-Абад медициналык колледжинин 457 студенттери, ЖАМУнун социалдык иштер боюнча проректору, биология илимдеринин кандидаты, доцент Шамшидин Нурдинов башында турган 17 профессордук окутуучулар курамы катышты.

Студенттер менен өткөрүлгөн жолугушуу жыйында КРнын улуттук коопсуздук мамлекеттик кызматынын Жалал-Абад областтык башкармалыгынын кызматкери Эржан Чокоев диний экстремизм, терроризм жана Сириядагы болуп жаткан коомдук абал жагдайында кеңири маалымат жасады. Ал өз сөзүндө ар кандай диний агымдардын көбөйүп кеткендигин, айрыкча Вахабизм, Хизбут-Тахрир, Акрамия, Баптистер жана башка көптөгөн каттоодон өтпөгөн диний агымдар биздин келечегибизди кура турган жаштарды туура эмес багыттарга азгырып кетип жатышат. Бул агымдар негизинен адам баласынын жашоосуна кереги жок салттар менен ырымдарды, ислам динин бурмалоо менен жаштарды өз катарларына кошууга катуу аракеттенип жатышат. Жаштарыбыздын диний сабатсыздыгынан пайдаланышып, аларды диний экстремизмге жана терроризмге түртүп, үгүттөп жатышат. Буга ачык мисал катары Сириядагы согуштук тополоңдорго Кыргызстандан барышкан жаштардын дагы учурап жаткандыгы жана чет өлкөлөрдө набыт болуп жатышкандыктары өкүндүрбөй койбойт. 

Жалал-Абад областынын казыятынын казысы Адулазиз Закиров студенттер менен болгон жолугушуу жыйынында Ислам дини дүйнөдөгү эң күчтүү жана таза дин экендигин белгилеп, айрым каттоодон өтпөгөн диний агымдар жаштарды өз катарларына азгырып, кошууга аракеттенип жаткандыгын, ошондуктан жаштарды этият болууга чакырды. Мындан сырткары областыбыздын аймагында канча мечиттер менен медреселер каттоодон өткөндүгүн жана дагы канчасы өтө электигине токтолуп кетти. Давват жөнүндө маалымат берип, дин сабаты жетиштүү инсандар гана ага бара тургандыгын айтты. 

Жолугушуу жыйындын жүрүшүндө студенттер тарабынан УКМКнын кызматкери Эржан Чокоев менен областын казысы Абдулазиз Закировго көптөгөн суроолор берилип, аларга канаатандырарлык жооптор берилди. Мындан сырткары жаштарга Сириядагы бүгүнкү оор абал туурасындагы видео тасма тартууланды. Студенттерге кызыктуу жана пайдалуу маалымат куруп беришкендиктери үчүн келген конокторго ЖАМУнун проректору,б.и.к. доцент Шамшидин Нурдинов жыйынга катышкан жалпы студенттер жана окутуучулар атынан терең ыраазычылыгын билдирди