Дональд Трамп
Доналд Жон Трамп (англ. Donald John Trump; 14-июнунь 1946-жыл,Куинс, Нью-Йорк, АКШ) — амеркалык бизнесмен жана саясатчы, АКШнын 45-президенти.
| Доналд Трамп англ. Donald Trump | |||
 | |||
| |||
|---|---|---|---|
| 20-январь 2017 — 20-январь 2021 | |||
| Өкмөт башчысы: | Майк Пенс | ||
| Андан мурунку: | Барак Обама | ||
| Андан кийинки: | Жо Байден | ||
| Жарандыгы: |  АКШ
| ||
| Туулган жылы: | 14 -июнь 1946 (78 жаш) | ||
| Туулган жери: | Куинс, Нью-Йорк, АКШ | ||
| Атасы: | Фред Трамп | ||
| Апасы: | Мэри Маклауд | ||
| Жубайы: | Ивана Трамп (1977—1991) Марла Мейплз (1993—1999) Меланья Трамп (2005 жылдан) | ||
| Балдары: | Доналд Трамп кич. (т.ж. 1977) Иванка Трамп (т.ж. 1981) Эрик Трамп (т.ж. 1984) Тиффани Трамп (т.ж. 1993) Бэррон Трамп (т.ж. 2006) | ||
| Партиясы: | Республикалык (1987—99; 2009—11; 2012 жылдан тарта)[1] Реформ (1999—2001) Демократиялык (2001—09)[2] Көз карандысыз(2011—12) | ||
| Билими: | Пенсильвания университети | ||
| Ишмердүүлүгү: | бизнесмен, саясатчы | ||
| Сайты: | http://donaldjtrump.com | ||
| Автограф: | .svg)
| ||
Өмүр баяны
түзөтүүТолук аты-жөнү - Доналд Жон Трамп. 1946-жылы 14-июнда Нью-Йорктун Куинс аймагында төрөлгөн. Ишкер жана саясий ишмер. Атасы Фредерик Трамп куруучу болуп иштеген. 13 жашынан тарта Доналд Трамп Аскердик академияда тарбияланган. Академиядан кийин Пенсильвания университетинин алдындагы Уортон бизнес-мектебин 1968-жылы бүтүргөн. ЖОЖду аяктагандан кийин атасынын компаниясында ишин баштап, 1975-жылы компаниянын президенти болгон. Өз алдынча ишке ашырган алгачкы долбоору - Манхэттенде курган бизнес-борбору. Трампты көпчүлүккө атактуу кылган долбоорлордун бири 1982-жылы ачылган Нью-Йорктогу 58 кабаттуу Trump Tower имараты. Анын Trump Parc, Trump Palace, Trump Plaza деген башка долбоорлору да белгилүү. АКШнын Лас-Вегас, Чикаго, Майами, Вашингтон шаарларында, Гавайи аралдарында, Панама, Торонто шаарларында мейманканалары бар.
2005-жылы Donald J. Trump Signature Collection деген аталышта кийимдер тармагын ишке киргизген. Бизнес жаатында бир катар китептердин автору. 2015-жылдын 16-июнунда Доналд Трамп президенттикке ат салышарын расмий жарыялаган. 2016-жылдын июлунда АКШнын Республикачыл партиясынын курултайында анын талапкерлиги бекитилген.
Жеке жашоосу
түзөтүүТрамп 5 баланын атасы, учурда үчүнчү аялы менен жашайт. "Forbes" журналынын версиясы боюнча анын материалдык байлыгы 4,5 миллиард доллар. АКШдагы эң бай адамдардын катарында 113-орунда турса, дүйнөдөгү эң бай адамдардын арасында 324-орунда.
Булактар
түзөтүү- ↑ The man responsible for Donald Trump's never-ending presidential campaign – News Local Massachusetts. Boston.com (January 22, 2014). Retrieved October 21, 2015.
- ↑ Bush says Trump was a Democrat longer than a Republican 'in the last decade' | PolitiFact Florida. Politifact.com. Retrieved October 21, 2015.