Жакупова Чолпон Идиновна

Жакупова (Джакупова) Чолпон Идиновна (1959-жылы 25-мартта Чүй облусунун Аламүдүн районундагы Стельников айылында туулган) --«Адилет» Укуктук Клиникасы» Коомдук Фондунун директору [1], 2015-жылдын октябрынан бери «Бир Бол» фракциясынан Жогорку Кеңештин алтынчы чакырылышынын депутаты болуп келген.2017-жылдын январь айында Кыргыз Республикасынын Конституциясына киргизилген өзгөртүүлөргө макул эместигинен улам депутаттыктан баш тарткан.

Билими жана илимий даражасы

М.Ломоносов атындагы Москва мамлекеттик университетинин Archived 2020-07-17 at the Wayback Machine тарых факультетинин, ошондой эле Кыргыз мамлекеттик юридикалык академиясынын бүтүрүүчүсү. Тарых илимдеринин кандидаты, 2 монографиянын, 7 окуу китебинин жана адам укуктары боюнча 9 жыйнактын автору.

Коомдук ишмердиги

Эмгек жолун 1983-жылы Кыргыз мамлекеттик университетинде мугалим болуп иштөөдөн баштаган. 1995-жылы Кыргызстандын Тышкы иштер министрлигинин Миграция департаментинин директору, андан кийин миграция боюнча регионалдык борбордун директорунун орун басары болуп иштеген. 1999-жылдан тарта “Миграция жана качкындар маселеси боюнча регионалдык борбор” коомдук фондунун директорунун орун басары болуп иштеген.

2002-жылдан бери “Адилет” укуктук клиникасы” коомдук фондунун негиздөөчүсү жана директору

«Адилет» Укуктук Клиникасы» Коомдук Фондунда

«Адилет» Укуктук Клиникасы» Коомдук Фонду – Кыргызстандагы эң ири укук коргоо уюмдарынын бири, ал бүгүнкү күндө өзүнүн катарына 40 юристтерди жана адвокаттарды, ошондой эле юридикалык кесипте окуп жатышкан студент-волонтерлерди бириктирип турат. Клиника өздөрүнүн укуктарын жана эркиндигин коргоого муктаж калктын өтө аялуу катмаларына акысыз укуктук жардамдарды көрсөтөт, алар:

1. Мыйзам менен чатагы бар жашы жетпегендерге
2. Качкындарга жана башпаана издеген адамдарга
3. Айыл жериндеги жашаган аялдарга
4. Мүмкүнчүлүгү чектелген адамдарга
5. Апатриддерге [2]

Сыйлыктары

2008-жылы Жакуповага адам укуктарынын өнүгүшүнө кошкон салымы үчүн “Эң кайраттуу аял” сыйлыгы ыйгарылган [3]

“Альфа” атайын багыттагы күчтөрдүн ардагерлеринин коомдук бирикмесинин Ардак грамотасы

Миграция чөйрөсүндөгү мыйзамдарды өнүктүрүүгө кошкон салымы жана эмгеги үчүн көптөгөн грамоталары жана сертификаттары, Жогорку Кеңештин медалы бар.

Жеке турмушу

Жолдошу каза болуп калган, эки баланын энеси.

Кошумча маалымат үчүн:

Фейктер боюнча мыйзамды жокко чыгаруу зарылдыгы айтылды. Азаттык үналгысы. 15-Февраль, 2022

Дарья Подольская. Антиконституционной назвала Чолпон Джакупова идею Минкульта по блокировке сайтов. ИА «24.kg», 21 февраля 2022

Мундузбек Калыков. Деградация, кустуризация и справедливость за деньги. Правозащитница Джакупова пожаловалась Жапарову на суды и правоохранителей. kloop.kg, 06 октября, 2021,

Джакупова Чолпон Идиновна — биография. Sputnik Кыргызстан, 12.12.2016 (обновлено: 14:39 20.12.2021)

«Адилет» Укуктук Клиникасы» Коомдук Фонду. Публикациялар.