Жаман-Суу мөңгүлөрү

Жаман-Суу мөңгүлөрү – Борбордук Теңир-Тоодогу Май-Баш кырка тоосунун ачасында жайгашкан эки ири мөңгү (Түндүк жана Түштүк). Сары-Жаз дарыясынын сол куймасы Жаман-Суунун башында. Түндүк Жаман-Суу мөңгүсүнүн узундугу 5,3 км, аянты 4,8 км². Төр-өрөөн тибиндеги мөңгү. Мөңгүнүн башы деңиз деңгээлинен 5100 м, этеги 3500 м бийиктикте жатат. Кар чегинин бийиктиги 4150 м. Абляциясынын аянты 2,1 км². Түштүк Жаман-Суу мөңгүсүнүн узундугу 5,0 км, аянты 4,6 км². Өрөөн тибиндеги мөңгү.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074 -5