Жасмин (бадал)

Жасмин (бадал) – өсүмдүктөрдүн гидрангиялар тукумундагы кооз бадал. Ал экиге бөлүнөт.

1. Бак жасминдин (лат. Philadelphus) жалбырагы тушташ жайгашкан, бүтүн кырдуу, гүлү ак же боз, жыттуу. Евразия менен Түштүк Американын мелүүн алкактарында 75; 3–4 түрү (Кавказ жана Ы. Чыгышта) өсөт. Кооз өсүмдүк катары ири гүлдүү жасмин, жыттуу жасмин, ошондой эле гибрид сорттору (Лавина, Монблан, Глетчер жана башка) өстүрүлөт.
2. Кадимки жасмин (лат. Jasminum) – жалбырагын күбүмө же дайыма жашыл бадал же лиана. Гүлү ак, сары же кызгылт, жыттуу. Тропик жана субтропик зонада 300дөй түрү белгилүү. КМШ өлкөлөрүндө 3 түрү Крым, Кавказ, Орто Азияда өсөт. Ири гүлдүү жасмин менен жыттуу жасминдин гүлүнөн эфир майы алынып, атыр жасоодо пайдаланылат. Индия жасмини – дайыма жашыл лиана өсүмдүгү, кооздук үчүн үйдө өстүрүлөт.

Jasminum officinale.

Колдонулган адабияттар

• “Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1