Жети-Өгүз суусу
Жети-Өгүз суусу – Жети-Өгүз районундагы суу, Тескей Ала-Тоонун Түндүк капталынан (батышында Чоң Кызыл-Суу жана чыгышында Ырдык менен Каракол сууларынын аралыгында) башталып, карагайлуу кууш капчыгай, Жети-Өгүз кыш. тушта кенен өрөөн менен агып, Ысык-Көлгө куят (дээрлик кар-мөңгү сууларынан куралат). Узундугу 52 км, алабынын аянты 387 км2. Апрелде кире баштап, сентябрда тартылат. Жылдык орточо чыгымы 5,60 м3/сек, эң көбү 57,2 м3/сек, эң азы 0,55 м3/сек. Жалпы узундугу 110 кмге жеткен 36 куймасы жана алабында жалпы аянты 126 км2 келген 18 майда көл бар. Сугатка пайдаланылат. Алабындагы радондуу суу булактары элге кеңири белгилүү. Боюнда Жети-Өгүз кыш. жана курорту бар.
Жети-Өгүз суусу
| |
|---|---|
| Мүнөздөмө | |
| Узундугу | 52 км |
| бассейндин аянты | 387 км² |
| Жайгашкан орду | |
| Өлкө |  Кыргызстан
|
| Област | Ысык-Көл облусу |
| Район | Жети-Өгүз району |
Колдонулган адабияттар түзөтүү
- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5