Жөө жарышуу
Шарттары
түзөтүүОюнчулардын саны 4—10 киши.
Оюн өткөрүлүүчү жер: аянтча, талаа, спорттук бөлмө.
Оюнга даярдануу
түзөтүүОюнчулар экиден болушуп, катарга туруп оюндун шарты, оюн өткөрүлүүчү аралык жөнүндө сүйлөшүп алышат. Оюнчулардын теңи «атчандардын» ролун аткарышат.
Оюндун баяны
түзөтүүОюнчулардын бирөөсүнүн буйругу боюнча оюнчулар «аттарын» минишип, аралыктан тез өтүүгө аракеттенишет, Андан кийин алар оюнду алмашышып улантышышат. Оюн 2—5 жолу кайталанышы мүмкүн. Аралыктан бат өткөндөрү жеңүүчү болот.
Оюндун эрежеси
түзөтүүБуйруктан мурда баштоого, бир бирине тоскоолдук кылууга, аралыктан толук өтпөй коюуга болбойт.
Оюндун тарбиялык мааниси
түзөтүүКүчтүүлүккө, ылдамдыкка көнүгөт. Оордуктарды көтөрүү, бир жерден экинчи жерге алып барууга, тең салмакты сактоого үйрөтөт.