Индигирка
Индигирка - Россиядагы дарыя. Якутиянын чыгышында. Узундугу 1790 км, алабынын аянты 362 миң км2. Хастах жана Тарын-Юрях дарыясынын кошулушунан түзүлөт. Жогорку бөлүгү Оймякон тайпак тоосу, андан ары кууш капчыгай аркылуу Черский кырка тоосун кесип өтүп, босоголорду пайда кылат; төмөн жагында Яна-Индигирка ойдуңу менен агып, Чыгыш Сибирь деңизине куят (дельтасынын аянты 5,5 миң км2).
Индигирка
| |
|---|---|
| |
| Мүнөздөмө | |
| Узундугу | 1 790 км |
| бассейндин аянты | 362 000 км² |
| Жайгашкан орду | |
| Өлкө |  Орусия
|
| Област | Якутия |
| ОМСР | 18050000112117700035295 |
Негизги куймалары: Селеннях, Уяндина, Аллаиха, Бёрёлёх (сол), Мома, Бадяриха (оң). орточо чыгымы 1850 м3/сек (эң чоң чыгымы 11 500 м3/сек, эң азы 3,2 м3/сек). Жылына 13,7 млн т шиленди агызып келет. Октябрдан майдын аягы июндун башына чейин тоңот. Айрым жери (Чокурдах жана башкалар) тоңуп, суу акпай калат; чоң тарындар пайда болот. Мома дарыясынын чатына чейин (1154 км) кеме жүрөт.
Негизги пристандары: Хонуу, Дружина, Чокурдах, Табор. Чатында балык промысели (ряпушка, чир жана башкалар) бар.
Колдонулган адабияттар
түзөтүү- “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5