Исаков Сапар Жумакадырович

Исаков Сапар Жумакадырович (төр. 29-июль 1977, Фрунзе, Кыргыз ССРи) — Кыргызстандын мамлекеттик ишмери, Кыргыз Республикасынын премьер-министри (2017-2018). Кыргызстан социал-демократиялык партиясынын мүчөсү.

Исаков Сапар Жумакадырович
Желек Кыргызстандын премьер-министри желек
25-август 2017-жыл — 19-апрель 2018-жыл
Президент:	Алмазбек Атамбаев Сооронбай Жээнбеков
Андан мурунку:	Сооронбай Жээнбеков Мухамметкалый Абулгазиев (м. а.)
Андан кийинки:	Мухамметкалый Абулгазиев
Желек Кыргыз Республикасынын президентинин аппарат жетекчиси
1-март 2017 — 26-август 2017
Андан мурунку:	Фарид Ниязов
Андан кийинки:	Алмазбек Усенов
Желек Кыргыз Республикасынын президентинин аппаратынын жетекчисинин биринчи орун басары
31-январь 2017 — 1-март 2017
Андан мурунку:	Аалы Карашев
Дини:	ислам
Туулган жылы:	29 -июль 1977(1977-07-29) (47 жаш)
Туулган жери:	Фрунзе, Кыргыз ССРи, СССР
Атасы:	Исаков Жумакадыр
Апасы:	Өмурбаева Нургүл
Партиясы:	Кыргызстан социал-демократиялык партиясы
Билими:	Кыргызстандын эл аралык университети
Сыйлыктары:	2-даражадагы «Манас» орени

Өмүр баяны

Сапар Исаков 1977-жылы 29-июлда Бишкек шаарында төрөлгөн.

Эмгек жолу:

• 1999-2003 — Кыргызстандын эл аралык университетинде мугалим;
• 2003–2007 —төмөнкү даражадагы дипломат, үчүнчү катчы, төртүнчү катчы, КР Тышкы иштер министрлигинин эл аралык-укуктук департаментинин эки тараптуу кызматташтык бөлүмүнүн башчысы;
• 2007 — КР өкмөтүнүн эл аралык кызматташтык бөлүмүнүн башчысы;
• 2007–2009 — КР өкмөтүнүн сырткы байланыш бөлүмүнүн башчысы;
• 2009–2010 — Өнүгүү, инвестиция жана инновация боюнча Борбордук агенттиктин коммуникация кызматынын башчысы;
• 2010-жылдын май айынан тарта — КР Убактылуу өкмөттүн эл аралык байланыштар бөлүмүнүн жетекчиси;
• 2010-жылдын август айынан тарта — КР президент аппаратынын тышкы саясат бөлүмүнүн башчысы;
• 2010–2011 — КР өкмөтүнүн аппаратынын орун басар рангындагы тышкы саясат бөлүмүнүн башчысы;
• 2011–2017 — КР президент аппаратынын жетекчисинин орун басар рангындагы тышкы саясат бөлүмүнүн башчысы;
• 2017-жылдын 31-январынан тарта — КР президентинин аппаратынын жетекчисинин биринчи орун басары;
• 2017-жылдын мартында өлкө башчынын буйругу менен КР президентинин аппарат жетекчилигине дайындалган.

3-даражадагы Мамлекеттик кызматтын мамлекеттик кеңешчиси, Кыргыз Республикасынын толук жана ыйгарым укуктуу элчиси дипломатиялык рангы бар.