Кайыңды мөңгүсү

Кайыңды мөңгүсү – Борбордук Теңир-Тоодогу татаал өрөөн тибиндеги ири мөңгү. Эңилчек жана Кайыңды кырка тоолорунун кошулган жеринен башталып, батышка карай созулат. Узундугу 25,8 км, аянты 107,4 км². Мөңгүнүн башы деңиз деңгээлинен 5520 м, этеги 3400 м бийикте жатат, кар чегинин бийиктиги 4440 м. Абляцияеынын аянты 23,4 км². Кайыңды мөңгүсүнүн жогорку бөлүгү Комсомол мөңгүсүнүн жогорку сол тармагы менен биригет. Мөңгү кар көчкүлөрдөн да куралат. Этегинин калыңдыгы 170 мдей. Бети (10 км аралыкта) уңкул-чуңкул келип, көбү көлмөлөр менен толгон. Мөңгүдөн Сары-Жаздын сол куймасы Кайыңды суусу башталат.

Колдонулган адабияттар

• “Кыргызстан” улуттук энциклопедиясы: 3-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2011. 784 бет, илл. ISBN 978 9967-14-074-5