Кап тургузмай

Шарты

Оюнчулардын саны: 8 киши.

Оюн аянтчада, кырманда өткөрүлөт.

Оюнда колдонуучу аспап. Толтурулган кап.

Оюнга даярдануу

Оюнчулар каптан 15—25 метрдей аралыкта бир катар болуп турушуп, оюндун шарты жана кезеги жөнүндө сүйлөшүп алышат.

Оюндун баяны

Оюнчулар кезектери келгенде, бирден капка чейин жүгүрүшүп барышып, жаткан капты тургузуп, кайра келишет. Оюн оюнчулар каалаган убакытка чейин уланат. Капты тургузуу үчүн аз убакыт кетирген оюнчу, оюндун жеңүүчүсү болот.

Оюндун башка түрү

Устун тургузмай.

Оюндун эрежеси

Бир бирине тоскоолдук кылууга, капты тургузбай коюуга болбойт.

Оюнга методикалык көрсөтмө

Оюнчулардын саны көп болсо, аларды топторго бөлүп өткөрсө болот.

Оюндун педагогикалык мааниси

Оюнда ылдамдык, күч тарбияланат, күүлөнүүнүн, оордукту көтөрүүнүн ыкмаларын үйрөтөт.

Колдонулган адабияттар

• Х. Н. Анаркулов. Кыргыз эл оюндары. -Ф.: 1981, ISBN-10(13):5-65500669-3