Кара-Кужур суусу, Кочкор району

Кара-Кужур суусу, Кочкор району – Кочкор районундагы суу, Сары-Булак кыштагынан төмөнкү бөлүгү Жоон-Арык деп аталат. Узундугу 84 км, алабынын аянты 1240 км².

Кара-Кужур суусу
Мүнөздөмө
Узундугу	84 км
бассейндин аянты	1 240 км²
Жайгашкан орду
Өлкө	Кыргызстан
Област	Нарын облусу
Район	Кочкор району

Тескей Ала-Тоонун Түштүк капталынан башталып, батышка карай тектирлүү тектоникалык өрөөн аркылуу агат; Төлөк суусу менен кошулуп, Жоон-Арык суусун түзөт да, түндүккө карай бурулат. Негизги куймалары: Сөөк-Төр, Кашка-Суу, Коңур-Өлөң, Ак-Таш жана башка. Алабында жалпы аянты 0,15 км² болгон 2 көл бар. Жылдык орточо чыгымы 8,46 м³/сек, эң көбү 29 м³/сек (14. 4. 1934), эң азы 1,80 м3/сек. Апрель айында кирип, сентябрда тартылат. Жээгинде Сары-Булак, Ак-Кыя жана башка кыштагы жайгашкан.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9
• Кыргызстандын географиясы. Бишкек: Мамлекеттик тил жана энциклопедия борбору, 2004, s. 71–72. ISBN 9967-14-006-2