Кергелен

Кергелен – Инди океанынын түштүк бөлүгүндөгү архипелаг, Антарктикада. Франциянын ээлиги. Жанар тоодон пайда болгон бир чоң (Кергелен) жана З00дөй майда аралдан турат. Платонун суу бетине чыгып турган бетин ээлейт. Жалпы аянты 7 миң км²дей. Туруктуу отурукташкан калкы жок. Бийиктиги 1850 мге чейин. Климаты субантарктикалык, февралдын орточо темпрасы 7^оС, июлдуку 0^оC, жылдык жаан-чачыны 1000 ммдей. Батыш бөлүгүндө ири муздуктар (аянты 500 км²ге жеткен) бар. Дайыма катуу шамал болуп турат. Субантарктикалык суйдаң чөп өсүмдүктөрү өсөт. Порт-о-Франсе геофизикалык станциясы 1950-жылдан иштейт. Архипелаг 1772-ж. аны ачкан француз деңиз саякатчысы И. Кергелен де Тремаректин ысмынан аталган.

Кергелен.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9