Кичи Үзөңгү-Кууш

Кичи Үзөңгү-Кууш — Ички Теңир-Тоодогу суу, Чоң Үзөңгү-Кууштун сол куймасы. Жети-Өгүз районунда. Узундугу 35 км, алабынын аянты 685 км². Борколдой кырка тоосунун түндүк-батыш капталындагы мөңгүлөрдөн башталып, адегенде чыгышка (5—6 км), бара-бара түштүк-чыгышты карай агат. Өрөөнү кууш, суусу шар агат. Ири куймалары: Ичке-Суу (22 км), Кайнар (24 км; алабында аянты 0,56 км² келген Кайнар көлү бар), Тосмо-Чоң-Капчыгай (22 км). Жылдык орточо чыгымы 3,75 м³/сек. Эң көбү июль — августта, азы март — апрелде байкалат. Май айында кире баштап, октябрда тартылат.

Колдонулган адабияттар

“Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9
Мамлекеттик тил жана энциклопедия борбору. Кыргызстандын географиясы Archived 2014-07-14 at the Wayback Machine ISBN 9967-14-006-2