Кобза
Кобза — 1) байыркы лютня сымал кылдуу чертме музыкалык аспап. Чыгыш Украинада пайда болгон деген божомол бар; 2) румын-молдавандардын 4 кылдуу лютня сымал кылдуу чертме музыкалык аспабы. Кээде Кобза же бандура бир эле аспапты түшүндүрөт (кобза-бандура). Кобзанын корпусу жарым сфералык, кыска моюндуу, 5-8 кылдуу. 18-19-кылымда аспапка дагы кылдар кошулган. Жалпы узундугу 520-530 мм. Плектор менен чертилет. Жеке, ансамблде жана оркестрде аспап катары колдонулат.
Колдонулган адабияттар
түзөтүү- “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9