Козлов Иван Яковлевич

Козлов Иван Яковлевич (1900, Украина, Полтава областтык, Бисал кыштагы — 1989, КР, Москва району) — бригадир, Социалдык Эмгек Баатыры (1948). 1947-жылдан Москва районундагы Энгельс атындагы колхоздун бригадири болуп иштеген. Граждандык согушка жана Улуу Ата Мекендик согушка катышкан. Анын бригадасы кант кызылчасын өстүрүүдө жогорку ийгиликтерге жетишкен. Ленин жана Кызыл Жылдыз ордендери менен сыйланган.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9