Консультация

Консультация (латынча conculto – маектешүү, талкуулоо, кам көрүү) – 1) кандайдыр бир маселе боюнча адистин кеңеши; 2) билим берүүдөгү, квалификацияны өркүндөтүүдөгү окуу сабагынын бир түрү. Бул учурда Консультация окутуучу менен окуучунун аңгемелешүүсү түрүндө жүргүзүлөт. Консультация окуу материалдарын семинар, реферат, коллоквиум, экзамен, курстук жана дипломдук ишке, ошондой эле өндүрүш практикасына даярдоодо өткөрүлөт; адистердин кеңеши аркылуу жардам көрсөтүүчү мекеме.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9