Корженевский мөңгүсү

Корженевский мөңгүсү – Чоң Алай кырка тоосунун түндүк капталындагы эң ири мөңгү. Узундугу 22,5 км, аянты 89,1 км². Кызыл-Суунун сол куймасы – Жанайдартак суусунун алабынан орун алган. Бутактанган тоо-өрөөн мөңгүлөрдүн тобуна кирет. Башы деңиз деңгээлинен 6210 м, этеги 3880 м бийикте жатат. Кар чегинин бийиктиги 5000 м, абляциясынын аянты 23 км². Ортоңку мореналар менен бөлүнгөн бир нече тармактарынын биригишинен түзүлөт. «Тилинин» учу калың морена менен текши капталган. Мөңгү Н. Л. Корженевскийдин ысымынан аталган.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9