Коңгуроо гүл

Коңгуроо гүл (лат. Campanula, L. 1753) – коңгуроо гүлдүүлөр тукумундагы өсүмдүк уруусу. Бир, эки жана көп жылдык өсүмдүктөр. Гүлү коңгуроо сымал, өңү көк, кызгылт көк, ак жана башка 300гө жакын түрү белгилүү, Кыргызстанда 7 түрү кездешет. Бөксө, бийик тоолордо, боздөң, шалбаада, тескей беттердин аска-таштарынын арасында өсүшөт. Уругу, тамыры аркылуу көбөйөт. Кыргызстанда К. г. жазында гүлдөөчү бир жана эки жылдыгы, жайында гүлдөөчү көп жылдыгы түрү гүлзарларда кооздук үчүн өстүрүлөт.

Campanula persicifolia.

Колдонулган адабияттар

• Биология: Энциклопедиялык окуу куралы/Мамлекеттик тил жана энциклопедия борбору. -Б.:2004, ISBN 9967-14-002-4
• Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9