Кремний киcлотaлaры

Кремний киcлотaлaры – кремний ангидридинен алынган заттар. Өтө начар, сууда аз ээриген кислоталар. Таза түрүндө метакремний H₂S₂0₃ же кремний киcлотасы жана орто кремний H₄SiO₄ жана экиметакремний H₂Si₂O₅ киcлотaлары алынган. Кремний киcлотасынын өтө каныккан эритмелеринде коллоиддик бөлүкчөлөр пайда болот. Коллоиддик эритмелердин туруктуулугу чөйрөнүн рН-ына, SiO₂ концентратына, температурага көз каранды болот. Кремний киcлотасынын эритмелеринин рНы 2-2,5 болсо, коллоиддик бөлүкчө туруктуу болуп, рН 5-6дан көбүрөөк болсо, коллоиддик бөлүкчөлөр ассоциацияланып, гелдер пайда болот. Кремний киcлотасынын туздары силикаттар деп аталат. Аларды алуу үчүн натрий же калий силикаттарынын эритмесине туз НС1 же күкүрт H₂S0₄ кислотатасы кошулат. Кремний киcлотасынын коллоиддик эритмелери кагаз, текстиль өнөр-жайында, суу, минералдык майларды тазалоо жана бириктирүүчү заттар катары; ал эми силикагелдер болсо, бууну жана газдарды сиңирип алуучу адсорбент жана агарткыч зат катары колдонулат.

Колдонулган адабияттар

• Химия: Энциклопедиялык окуу куралы/Мамлекеттик тил жана энциклопедия борбору, 2004. - 422 б. ISBN 9967-14-021-6
• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9