Кристоф Валц

Кристоф Валц (англ. Christoph Waltz;немисче айтылышы: [ˈkrɪstɔf ˈvalts]; 1956-жылы 4-октябрда туулган) — австрия-германиялык актер.Америкалык режиссер Квентин Тарантино менен биргелешип жасаган иштери менен кеңири белгилүү. Ал «Кадырсыз салпаяктар» (2009) тасмасында Штандартенфүрер Ханс Ланданын жана «Кишенден бошотулган Жанго» (2012) тасмасында Др. Киң Шулцтун ролун аткарганы үчүн алкоого татыган. Ар бир ролу үчүн ал «Оскардын», «БАФТАнын» жана «Алтын глобустун» «Экинчи пландагы эң мыкты актер» сыйлыктарына татыган. Ошондой эле ал Ланданын ролу үчүн Канн кинофестивалынын жана «АКШ киноактерлор гилдиясынын» «Эң мыкты актер» наамдарын алган.

Валц «Нөл теоремасы» (2013, компьютер генийи Коэн Леттин ролу), «Чоң көздөр» (2014, америкалык плагиатор Уолтер Киндин ролу) жана «Жеймс Бонд» сериясынын 24-бөлүмү болгон «Спектр» (2015, СПЕКТР уюмунун башчысы Эрнст Ставро Влофелддин ролу) тасмаларында да тартылган.