Курама сан

Курама сан — өзүнөн жана бирден башка да бөлүүчүсү бар натуралдык сан. Алар бирге, өзүнөн жана башка санга да бөлүнөт, мисалы, 8, 39, 621 ж. б. Жөнөкөй сандар сыяктуу Курама сандар да чексиз. Арифметиканын негизги теоремасы боюнча каалаган Курама сандарды анын жөнөкөй көбөйтүүчүлөрүнүн көбөйтүндүсү түрүндө бир гана жол менен туюнтууга болот (көбөйтүүчүлөрүнүн тартиби эске алынбайт).