Кылжыев Аскарбек Алыгулович

Кылжыев Аскарбек Алыгулович (1945-ж. туулган, 1-Май кыштагы) - жогорку категориядагы соода кызматкери.

• Фрунзе шаарындагы кооперация техникумун (1963), Самарканд шаарындагы Куйбышев атындагы Кооперация институтун бүтүргөн (1968).
• Эмгек жолун 1963-ж. Суусамыр керек-жарак коомунда сатуучу болуп иштөөдөн баштаган.
• 1966-ж. кампачы жана коомдук тамактануучу жаидын башчысы,
• 1967-70-жылдары Ысык-Көл районундагы Ананьев айылдык керек-жарак коомунда бөлүм башчысы,
• 1970-73-жылдары Түп районунун Кутургу айылдык керек-жарак коомунда башкарманын орун басары,
• 1973-76-жылдары Тоң районундагы Ак-Терек айылдык керек-коомунун башкармасы,
• 1976-77-жылдары Аламүдүн районундагы «Коопхозторгдун» директору,
• 1977-90-жылдары Кыргыз ССР соода министрлигине караштуу Фрунзе жашылча-жемиш бирикмесинде адис, соода бөлүмүнүн башчысы, даярдоо бөлүмүнүн башчысы болуп иштеп келген.
• 1990-94-жылдары « Кыргызинтурист » акционердик коомунда коммерция бөлүмүндө башчы,
• 1994-99-жылдары «Азамат» фирмасынын директору,
• 1999-2009-жылдары Суусамыр айылдык керек-жарак коомунун башчысы болгон.
• Ысык-Көл облустук, Кыргыз керек-жарак коомунун жана Соода министрлигинин Ардак грамоталары менен бир нече жолу сыйланган.
• Учурда ардактуу эс алууда.
• Токтогон уруусунан.

Колдонулган адабияттар

Суусамыр: Энциклопедия /Башкы ред. Ү. Асанов. - Б.: Энцик. борбору, 2010. - 312 б., илл. ISBN 978-9967-14-076-9