Кымыздыкты мөңгүсү

Кымыздыкты мөңгүсү — Алай кырка тоосунун түштүк тармагынын түндүк капталындагы өрөөн тибиндеги мөңгү. Узундугу 7,3 км, аянты 6,2 км². Кызыл-Суунун (чыгыш) сол куймасы — Көк-Суунун алабынан орун алган. Башы деңиз деңгээли 4600 м, этеги жана кар чеги 4300 м бийикте жатат. Абляциясынын аянты 4,1 км². Куралуу аймагы тоонун кырын бойлой дого сымал созулуп, «тили» кууштап кетет. Мөңгүдөн Кымыздыкты суусу (Көк-Суунун сол куймасы) башталат.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104-9