Кыргызстандын туусу

Кыргызстандын туусу, расмий түрдө ― Кыргыз Республикасынын Мамлекеттик туусу ― Кыргыз Республикасынын мамлекеттик белгилеринин бири.

Кыргыз Республикасынын Мамлекеттик туусу

Кыргызстан
Кайталап бекитилген	20-декабрь 2023
Желектин автору	Э. Айдарбеков, Б. Жайчыбеков, С. Иптаров, Ж. Матаев, М. Сыдыков

Желек

Кыргыз Республикасынын мамлекеттик желеги кызыл түстө. Анын ортосуна алтын түстөгү бирдей өлчөмдө кырк нур болуп чачыраган күнгө окшош тегерек жайгаштырылган. Күндөй тегеректин ичинде Кыргыз боз үйүнүн түндүгү кызыл түстө берилген. Желектин туурасы анын узундугунун бештен үч бөлүгүн түзөт. Жаркыраган тегеректин диаметри желектин туурасынокоумуын бештен үч бөлүгүн түзөт. Күн жана нур чачыраган дискалардын диаметрлеринин салыштырмалуулуугу бештен үч бөлүгүнө барабар. Түндүктүн диаметри жаркыраган төгөрөктүн диаметринин жарымын түзөт.

Желектин бир түстүү кызылдыгы эрдикти жана тайманбастыктын символу, жаркыраган алтын күн бейкуттукту жана байлыкты чагылдырат, ал эми түндүк - үй кутунун символу, аалам катары дүйнөнү алда канча кеңири түшүнүүдө бир айлампага бириктирилген кырк нур байыркы кырк уруунун бирдиктүү Кыргызстанга бириккендигин айгинелейт.Түндүк өлкөдө жашап жаткан элдердин биримдигинин символу, желектин кызыл түсү айкөл Манастын туусунун түсү болгон. Ар бир өлкөнүн өз доорунун желеги болот. Биздин желегибиз абдан кооз. Желектеги белгилер элибиздин улуттук руханий дүйнө таанымынан жана басып өткөн тарыхый жолунан жаралып келип чыккан символдор. Бул символдордун мамлекеттик желекте айкалышта чагылып турушу - дөөлөттүн көөнөрбөстүгүн, ыйыктыгын, элибиздин өткөндү унутпай, келечекке ишенимдүү кадам койгондугун айгинелеп турат.

Авторлору: Э. Айдарбеков, Б. Жайчыбеков, С. Иптаров, Ж. Матаев, М. Сыдыков.

1992-жылы 3- мартта республиканын Жогорку Кеңеши тарабынан кабыл алынган.

2023-жылдын 22-декабрында өзгөртүлгөн. 2024-жылдын 1-январында жогорку кеңеш тарабынан кабыл алынган желектин туура эмес үлгүсү илинип,нааразычылык жараткан. Ал эми 2024-жылдын 8-январында Ала-Тоо аянына расмий түрдөгү туу илинген.

Түстүн модели

Цвет	PANTONE	CMYK	RGB	HEX
Кызыл	PANTONE 1788 C	0-100-100-0	255-0-0	#ff0000
Сары (Алтын түс)	PANTONE Yellow C	0-0-100-0	255-255-0	#ffff00

Тарыхый желектер

• 
  Кыргыз АССРдин туусу (1929—1937)
• 
  Кыргыз ССРдин туусу (1937—1940)
• 
  Кыргыз ССРдин туусу (1952—1992)
• 
  Кыргызстан Республикасынын туусу (1991—1992)
• 
  Кыргызстандын туусу (1992—2023)
• 
  Кыргызстандын туусу (2023 — азыркы учурга чейин)

Дагы караңыз

• Кыргызстандын герби