Кыргыз Эл Комиссарлар чокусу

Кыргыз Эл Комиссарлар чокусу — Борбордук Теңир-Тоодогу Ак Шыйрак кырка тоосунун эң бийик жери. Пирамида сымал.

Кыргыз Эл Комиссарлар чокусу.

Бийиктиги 5125 м. Палеозойдун сланец, мрамор, акиташ, гранит тоо тектеринен турат. Үстүн муз текши каптап, капталдарынан түндүк-батышка Сары-Төр, Борду, батышка Түндүк Карасай өрөөн мөңгүлөрү түшөт. Чокуга биринчи болуп 1932-ж. А. А. Летаве жетекчилик кылган Москва илимпоздор үйүнүн альпинисттери чыккан.

Колдонулган адабияттар

• *Кыргызстандын географиясы / Мамлекеттик тил жана энциклопедия борбору. Бишкек-2004. Archived 2016-03-27 at the Wayback Machine ISBN 9967-14-006-2
• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9