Кыргыз тоогу

Кыргыз тоогу — леггорн, плимутрок, ньюгемпшир тоокторун аргындаштыруудан алынган породалык топ. Кыргызстан мал чарба жана ветеринардык Илим изилдөө институтунун тажрыйба чарбасында чыгарылган. Корозунун тирүүлөй салмагы 3,5—4,0 кг, мекияндарыныкы 2,5—2,6 кг. Мекияндары жылына орто эсеп менен 160 жумуртка тууйт. Жумурткасынын салмагы 57—58,5 г. Кыргызстандын шартында тез жетилүүчү, эттүү, жумурткачыл породаны түзүү үчүн асыл тукум иши жүргүзүлүүдө.

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9