Кысыр калуу

Кысыр калуу — тубар малдын төлдөбөй калышы. Кысыр калуунун негизги себептери: колдон уруктандырууну уюштурууда жана жүргүзүүдө кетирилген кемчиликтер (урук алууда ветеринардык-санитардык эрежелердин сакталбашы, колдон уруктандыруунун туура эмес жүргүзүлүшү, куут планынын жоктугу, кысыр малды өз убагында куутка кошпоо ж. б.); малдын төлдөө жөндөмдүүлүгүнүн бузулушу (туура тоюттандырбоо, ылаңдоо, малдын карышы жана уругунун төл алууга тубаса жарамсыздыгы ж. б.).

Колдонулган адабияттар

• “Кыргызстан” улуттук энциклопедиясы: 4-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2012. 832 бет, илл. ISBN 978 9967-14-104 -9