Күндүн калганы

"Күндүн калганы" (англ. The Remains of the Day) - британиялык жазуучу Кадзуо Ишигуронун 1989-жылы жазган романы. Бул чыгарма 1989-жылы Man Booker Prize сыйлыгына ээ болгон. 1993-жылы роман боюнча тартылган тасма Оскар сыйлыгынын сегиз номинациясына көрсөтүлгөн. Анын башкы ролдорун Энтони Хопкинс жана Эмма Томпсон аткарган.

"Күндүн калганы" Ишигуронун мурунку жазган эки романы сыяктуу биринчи жактан баяндалат. Романдын баяндоочусу, лорд Дарлингтондун үйүнүн башкаруучу кишиси, Стивенс, өткөн окуяларды күндөлүккө жазгандай эстейт. Чыгарманын негизин Стивенстин кызматы жана анын мурунку кесиптеши, үй башкаруучу аял мисс Кентон менен болгон мамилеси түзөт.