Күрүчбеков, Сабырбек Акынбекович

Күрүчбеков, Сабырбек Акынбекович – акын. Фрунзе шаарында 1957-жылы 9-августта туулган. 1980-жылы СССРдин 50 жылдыгы атындагы КМУнун филология факультетин бүтүргөн.

Эмгек жолун заводдо жумушчу болуп иштөө менен баштап, 1980-жылдан «Кыргызстан» басмасында кичи редактор, редактор, 1986-1988-ж. чейин «Литературный Киргизстан» журналында иштеген.

Орус тилинде жазат. 1976-жылдан чыгармаларын жарыялай баштаган. 1983-жылы басылып чыккан «Мелодии арчи» деген поэтикалык жыйнагы 1985-жылы Бүткүлсоюздук A.M.Горький атындагы адабий сыйлыкка татыктуу болгон. С.Күрүчбеков Т.Үмөталиевдин, О.Султановдун, А.Токтомушевдин ж.б. чыгармалары орус тилине которгон.

1986-жылдан СССР Жазуучулар союзунун мүчөсү.

Жарык көргөн китептери

Орус тилинде

Ранний рассвет: Сборник. – М.: Молодая гвардия, 1980.

Мелодии арчи: Стихотворения и поэма. – Ф.: Кыргызстан, 1983. – 51 б.

Вышивальщицы: Стихи, сборник стихов – Ф.: Кыргызстан, 1987. – 104 б.

Котормолор

Уметалиев Т. Горные цветы: Стихотворения и поэма. – Ф.: Кыргыз-стан, 1982. – 216 с.

Комар, Ласточка и Змея: Сказки. – Ф.: Мектеп, 1989. – 16 с.

Төштүк: Отрывки из киргизского народного эпоса. – Ф.: Адабият 1989. – 24 с.

Баялинов К. Ажар. – Ф.: ж. Литературный Киргизстан.

Колдонулган адабияттар

• *Кыргыз Республикасынын жазуучулары/Кыргызпатент.Түз.: М. Ааматов, А.Чекиров, Ө.Калыева. – Б.: 2011 ISBN 978-9967-26-379-6