Көк башчалуу сесели

Көк башчалуу сесели (лат. Seseli eryngioides Korovin, (M. Pimen. et V. N. Tiкhom)) - Монокарптык көп жылдык, бүтүн өзөк тамырлуу өсүмдүк. Сабагы жалгыздан, түп жагы былтыркы жалбырактын калдыгы менен жабылган, түп жагынан баштап бутактанат. Тамыр моюнчасынан өскөн жалбырактары көп санда, канаттай тилкелүү, жалпы көрүнүшү жумурткадай; сабактан өскөн жалбырактары майдараак, кыска саптуу жалбырак кучактуу, жогорку жалбырактары сызгычтай тегиз жээктүү, же майда тишчелүү. Чатыры 50-60 гүлдүү, 15-18 ичке сызгычтай тегиз жээктүү жалбыракчадан турган ороочтуу. Чатырчалары ороочтуу, 15-17 жумуртка же ланцет сымал жалбыракчадан турат. Желекчелери ак, бир аз оюктуу. Мөмөсү капталынан бир аз басырылгандай, тескери ланцеттей.

Биологиялык өзгөчөлүктөрү

Июлда гүлдөп, август-сентябрда мөмө байлайт.

Жалпы жана өлкөдө таралышы

Чаткал тоо кыркасы: Бозботоо тоолору, Итагар суусунун өзөнү, Аксай, Курайрык капчыгайлары.

Өсүү шарттары

Акиташтуу аскалардын жаракалары.

Саны

Популяцияларында бирин-серин кездешет.

Чектөөчү факторлор

Себептери белгисиз.

Өстүрүү

Маалыматтар жок.

Уюштурулган коргоо аракеттери

Бешарал коругунда өсөт.

Коргоо үчүн зарыл аракеттер

Сан-өлчөмүнүн эсебин алып, түр өскөн аймактарды коргоо зарыл.

Статусу

V U . Эндем. Кыргызстанда өскөн 16 түрдүн бири.

Колдонулган адабияттар

• Кыргыз Республикасынын Кызыл китеби 2-басылышы – Бишкек: 2006. – 544 б. – ISBN 9967-23-367-2