Башбаракты ачуу

Ломбард – кыймылдуу мүлктү күрөөгө алып, кыска мөөнөткө жарандарга карыз акча берген жана буюмдарды сактаган атайын кредиттик уюм. Ломбарддар түрүнө карата күрөөгө баалуу металлдарды, турмуш-тиричилик буюмдарын, автотранспортту жана башкаларды алат. Күрөөгө коюлган буюмдарды баалоо эки жактын макулдашуусу менен болот. Мүлк ээсине (зайым алганга) келишим түзүүдө керектелүүчү акча каражаты жана тийиштүү күрөө билети ыйгарылат. Эгер ломбарддан алынган ссуда убагында төлөнбөсө, күрөөгө коюлган буюм ломбарддын ээлигине өтөт. Ломбард алгач 15-кылымда Францияда ломбардиялык (Италия) сүткорлор тарабынан түзүлгөн, ал эми муниципиалдык ломбард 16-кылымда Нюрнбергде пайда болгон. Ломбардда кредитке берилген суммага процент эсептелинет. Сактоого берилген (зайым албай) буюмдар үчүн процент алынбайт, тийиштүү кызмат акы гана төлөнөт. Ломбарддын бул түрү Европа өлкөлөрүндө кеңири тараган. Кыргызстанда ломбарддардын кызматын көпчүлүк кардарлар пайдаланат.

Колдонулган адабияттарОңдоо

  • “Кыргызстан”. Улуттук энциклопедия: 5-том. Башкы ред. Асанов Ү. А., Б.: «Кыргыз энциклопедиясы» башкы редакциясы, 2014. ISBN 978—9967—14-111-7